Udaan

Aaj phir khwaabon ne ek udaan li...
Aaj phir kuchh nazaare nazar aaye...
Badalon ki dhundh thodi chhatne lagi...
Chehron se parda thoda hatne laga...
Suraj ki roshni bhi sheetal si...
Hawa ka jhonka bhi humein lehrata raha...

Par shayad indhan ki kami mehsoos ho rahi thi...
Jo vimaan hamara ab utarne laga...

Ab zameen se phir se wohi badal dikhein...
Un nazaaron ki pahunch thodi seemit...
Par ehsaas hai us udaan ka...
Aur ummeed hai phir ek udaan ki....